اسلام آباد ۔ 20 مئی (اے پی پی) د هند سينئر سفارتكار خارجه دفتر ته رابللې شوے او ورته د مئي په 19 مه نېټه د قابض هندي پوځ لخوا د لائن آف كنټرول په نكيال سېكټر كښې د جنګ بندۍ په خلاف ورزيو سخت احتجاج ريكارډ كړے شوے۔ د هندي پوځ د ناترڅه ډزو په نتيجه كښې درې بې ګناه وګړي ژوبل شوي وو۔ د شورؤ په ورځ د خارجه دفتر وياند له مخې د هند سينئر سفارتكار له احتجاجي مراسله وركړې شوې۔ ده ووئيل قابض هندے پوځ د اېل او سي او وركنګ باؤنډي پرله پسې خلاف ورزۍ كولو سره د عامو وګړو ودانۍ په نښه كوي۔ ډي جي ووئيل د عامو وګړو ودانۍ په قصد سره په نښه كول د افسوس وړ او د نړيوالو بشري حقونو په ضد كار دے۔ د هند لخوا د جنګ بندۍ دې خلاف ورزيو سيمه ايز امن او سلامتيا سختو خطرو سره مخ كړې چې نتيجه ئې د سټرټېجك غلطۍ په صورت رامخې ته كېدې شي۔ هند سږ كال 1101 وارې د جنګ بندۍ خلاف ورزۍ كړي۔ په اېل او سي تاؤ تريخوالې زياتولو سره هند مقبوضه كشمير كښې د بشري حقونو خلاف ورزو او د ظلم زياتي څخه د نړۍ پام بلخوا ګرځولې نه شي۔ پاكستان په هند زور راوړو چې د كال 2003ﺀ د جنګ بندۍ لوظنامې خيال اوساتي۔ د جنګ بندۍ د خلاف ورزيو دې پېښو پلټنې وكړي۔ په دې خبره زور راوړلې شو چې د ملګرو ملتونو د سلامتي كونسل د قراردادونو له مخې دې هند د ملګرو ملتونو پوځي مبصرينو (یو اېن ایم او جی آئی پی) ته د خپل كردار ترسره كولو اجازه وركړي۔(
