اسلام آباد – 09 – جنوري (اي پي پي) اطلاعات ۽ نشريات واري وفاقي سيڪريٽري شاهيره شاهد ريڊيو پاڪستان جي ڊائريڪٽر جنرل سعيد احمد شيخ جي والده جي لاڏاڻي تي ڏک ۽ افسوس جو اظهار ڪيو. پنهنجي تعزيتي بيان ۾ هن سعيد احمد شيخ ۽ سندس گهرڀاتين سان تعزيت ۽ همدرديءَ جو اظهار ڪيو. اطلاعات واري وفاقي سيڪريٽري چيو ته سعيد احمد شيخ جي والده جي لاڏاڻي جي خبر ٻڌي دلي افسوس ٿيو. پونئيرن جي ڏک ۾ برابر جي شريڪ آهيان. هن مرحومه جي ابدي زندگي ۾ سڪون ۽ ڏکويل خاندان جي لاءِ صبر جي دعا ڪئي.
