اسلام آباد – 12 – سيپٽمبر (اي پي پي) نگران وزيراعظم انوارالحق ڪاڪڙ اڱاري کان هنزه ۽ گلگت جو 2 ڏينهن جو دورو ڪندو. وزيراعظم آفيس جي ميڊيا ونگ پاران جاري بيان موجب پنهنجي دوري دوران نگران وزيراعظم چيف منسٽر سيڪريٽريٽ ۾ يادگار شهداءِ تي گارڊ آف آرنر جي تقريب ۾ شرڪت ڪندو. بعد ۾ گلگت بلتستان جي گورنر ۽ گلگت بلتستان جي وڏي وزير سان ملاقات ڪندو. ان کانسواءِ نگران وزيراعظم ان دوري ۾ گلگت بلتستان ۾ جاري ترقياتي منصوبن جي اڳڀرائي ۽ گلگت بلتستان ۾ امن امان جي صورتحال جي حوالي سان اجلاس جي صدارت ڪندو. نگران وزيراعظم گلگت ۽ هنزه جي سياسي قيادت سان ۽ مقامي اڳواڻن سان ملاقات پڻ ڪندو.
