اسلام آباد ۔ 13 اپرېل (اے پی پی) د نېنشل ډیزاسټر مېنجمنټ اتھارتی چیئرمېن لېفټېننټ جنرل محمد افضل وئيلي دي د كورونا وائرس مقابله كوؤنكې د ګرد هېواد طبي عملې ته مو حفاظتي سامان رسولې ۔ د ذاتي حفاظت سامان په مقامي توګه جوړېدل پېل شوي۔ هېواد كښې مو د ورځې د 50 زره ټېسټونو كولو صلاحيت ترلاسه كړې ۔ د دې خيالاتو څرګندونه ده د ګل په ورځ د ډبليو اېچ او لخوا د طبي سامان وركولو په موقع خطاب كښې وكړه۔ ده د ورلډ هيلته ارګنئزېشن مننه كولو سره ووئيل مونږ د كورونا وائرس وباﺀ مخنيوي له ټول ضروري ګامونه پورته كړي ۔ ده ووئيل د كورونا وائرس په ضد د كار كوؤنكې طبي عملې حفاظت له د سامان او آلاتو ترلاسه كول يو چېلنج ؤ٬ چې پكښې سامان د چين څخه راغوښتلې شوې ۔ ده ووئېل په اولنيو ورځو كښې 13 مارچ څخه تر 27 مارچ مونږ په دې لړ كښې ستونزو سره مخ وو ولې نن مونږ د اېن 95 ماسك نه سوا د ذاتي حفاظت سامان د بهر نه نه اخلو بلكې دا د ځائي ماركيټ څخه اخلو۔ چیئرمېن لېفټېننټ جنرل محمد افضل ووئيل مونږ د فرنټ لائن ډاكټرانو او نرسانو ته ټول ضروري سامان وركړې ۔ ده ووئيل مونږ د هېواد ټولو روغتونونو ته هره اونۍ 100 زره پي پي اېز وركولو له چمتو يؤ او د ضرورت له مخې دې نه زيات هم وركولې شوو۔ د ټېسټنګ په اړه ده ووئيل مونږ پرېكړه كړې چې لاك ډاؤن شوې سيمه كښې به د ټولو خلقو ټېسټ كوؤ دغسې چې كوم خلق ځپلې نه وي هغوي د معمول له مخې خپل ژوند تېر كړي۔ ده ووئيل دا مهال زمونږ 39 لېبارټرۍ كار كوي او په 27 نورو لېبارټرو كار روان دے۔ دغسې 100 څخه زياتې موبائل لېبارټرۍ هم جوړولې شي۔ ده ووئيل مونږ د روانې مياشتې تر پايې د 2500 وېنټی لېټرز انتظام كولو له لائحه جوړه كړې۔ ده ووئيل د ډبليو اېچ او لخوا راكړي سامان كښې 15 ټېسټنګ مشین او 15 زره كټس شامل دي۔ دې نه وړاندې د ډبليو اېچ او نمائنده ووئيل دا د روغتيا نړيوالې ادارې لخوا پاكستان لپاره د كورونا وائرس مقابلې له د مرستې برخه ده۔ مونږ د اېن ډي ايم اے او اېن آئي اېچ د لارې د پاكستان حكومت مرسته كوؤ۔ ده د وزيراعظم عمران خان او د هغه د حكومت لخوا د كورونا وائرس مقابلې له د روانو هڅو ستائنه كولو سره ووئيل د روغتيا نړيوالو اداره به دې لړ كښې د پاكستان مرسته روانه ساتي
