اسلام آباد 23 جولائي (اے پي پي) د وزيراعظم د سياسي چارو صلاحكار ډاكټر شهبازګل وئيلي دي د پيپلز پارټۍ چيئرمېن بلاول بھټو زرداري بايد په وفاقي حکومت او ادارو د تنقيد كولو په ځائ د سندھ مسئلو حل كولو ته پاملرنه وكړي٬ بلاول بھټو سياسي پوائنټ سکورنګ لپاره د وړاندې نه صوبائي كارډ لوبوي خو د سندھ اولس د هغوي د كاركردګۍ نه ښه خبر دے۔ د نجي ټي وي چېينل په پروګرام كښې خپلو خبرو كښې ده ووئيل قامي اسمبلۍ كښې د مخالفې ډلې مشر شهباز شريف بلاول بھټو زرداري سره ملاقات له چمتو نه دے او نن سبا مريم نواز هم غلې ده ٬ ځكه بلاول بهټو له پكار دي چې په لاهور كښې د وخت ضائع كولو په ځائ سندھ ته لاړ شي ځكه چې دلته به مطلوبه نتيجې ترلاسه نه كړے شي۔ ده ووئيل د فرق نه غېر احتساب د وزيراعظم عمران خان خواهش دے او هم دې مقصد لپاره د تېرو 24 كالو راهسې هلې ځلې كوي۔ د يوې پوښتنې په ځواب شهباز ګل ووئيل د وزير اعظم عمران خان ټولو مرستيالو او خاص صلاحكارو خپلې اثاثې ډكليئر كړي خو ھغوي ټول به خپلو خپلو محكمو كښې د بدعنوانۍ يا د بدعنوانۍ كولو په اړه جواب وركونكې وي۔ ده ووئيل بهر هېوادونو كښې مېشته پاكستانيانو تل په سخت وخت كښې د پاكستان مرسته كړې او دې لپاره ډبل شهريت لرونكو ته د هېواد په ټاكنو كښې د برخې اخستو اجازه پكار ده
