اسلام آباد 07 جنوري (اے پي پي) اولس مشر ډاکټر عارف علوي وئيلي دي پاکستان عمان سره د ورورولۍ اړيكو ته ډېر اهميت وركوي٬ د دوه اړخيزه اړيكو په ټولو څانګو كښې په خاص توګه د تجارت ودې ته اړتيا ده٬ اورسيز پاكستانيان د عمان په پرمختګ كښې مهم كردار لوبوې۔ د دې خيالاتو څرګندونه ده د نهې په ورځ د عمان دمذهبي چارو وزير شېخ عبداﷲ بن محمد سره په ملاقات كښې كړې۔ ده ووئيل د پاكستان عمان سره دوه اړخيزه اړيكې په مشتركه كلتور٬ تاريخ او ورثه اډانه دي٬ د دواړو هېوادونو ترمېنځه مرستې سره د شريكو مفادو په ټولو څانګو او په خاص توګه تجارت او د سرمايه كارۍ ودې ته اړتيا ده ۔ اولس مشر ووئيل د منطقې امن د دواړو هېوادونو پرمختګ او سوكالۍ لپاره ضروري دے٬ پاکستان منطقه كښې امن او استحكام لپاره هر ډول هڅې كوي ۔ اولس مشر ووئيل پاکستان د ميډيسن، انجينئرنګ، انفارميشن ټيکنالوجۍ، اکاٶنټينسي، تعليم او د تکنيکي كار په څانګو كښې غېر هنر مندو كسانو سره سره پېشه وره افرادي قوت وركولې شي۔ ده ووئيل بايد دواړه هېوادونه د اړوندو ادارو زده كوٶنكو تبادلو پروګرام٬ مشتركه تحقيقي منصوبو او سېمينارونو ته پاملرنه وكړي۔ په دې موقع د عمان وزير د اولس مشر مننه كولو سره د خپل هېواد د قيادت او اولس لخوا د نېكو هيلو پېغام ورسولو۔ ده د پاكستان حكومت د هېواد پرمختګ او منطقه كښې د امن د وژن ستائنه وكړه
