اسلام آباد 06 مارچ (اے پی پی) پاکستان د افغانستان پايه تخت کابل كښې د ترهه ګرۍ بريد غندنه كړې د كوم په نتيجه كښې چې ګڼ كسان مړه او ژوبل شوې دي۔ د خارجه دفتر وياند له مخې پاکستان د جمعې په ورځ په كابل كښې د ترهه ګرۍ په بريد كښې د مړو شويو كسانو كورنيو سره د يووالي او غمرازۍ څرګندونه كړي او د افغانستان دوهم اولس مشر عبداللہ عبداللہ په چاؤدنه كښې په محفوظ پاتې كيدو ئې د اطمینان څرګندونه كړي۔ وياند ووئيل پاکستان د افغانستان شخړې د خبرو اترو د لارې سیاسی حل پرله پسې ملاتړ كړې او دا د امن راوستلو لپاره يوه تاریخی موقع ده۔ پاکستان په ټولو ډلو زور راوړې چې افغانستان كښې كوټلي امن او استحکام لپاره تعمیری جذبې سره په ګډه كار وكړي۔
