سيالكوټ 01 مارچ (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې د حكومت اولس دوست پالېسې ډاډګېرنه ترلاسه كوي، وزيراعظم عمران خان د غريب پرور پالېسې په وجه په اولس كښې مقبول دے، 35 كاله حكومت كوونكو دلته كوم داسې روغتون جوړ نه كړے شو چې د دوي علاج پكښې وكړے شي، شريف كورنۍ د روغتيا په نوم بهر لاړه، په درې مياشتو كښې د لندن په كوم روغتون كښې داخل نه كړے شو، د عمران خان زړه د دې هېواد غريب اولس سره درزېږي، هغه په هېواد كښې ځوانانو لپاره په روزګار، د مېرمنو په بااختيارې، د كورنيو او شخصياتو په ځائ د قانون په حكمرانې باور لري. د وزيراعظم د اطلاعاتو او خپرونو خاص مرستيالې ډاكټر فردوس عاشق دا خبرې د اتوار په ورځ په منډيانواله كښې د سوئي ګاز پروژې د پرانستې په مهال لوئې اولسي غونډې ته د وېنا كولو په مهال وكړې. د وزيراعظم د اطلاعاتو او خپرونو خاص مرستيالې ډاكټر فردوس عاشق ووئيل چې د دوه كورنيو د جوړ په نتيجه كښې د پاكستان د 6 زره اربه روپې قرض 30 زره اربه روپو ته رسېدلې. د ګرانو لوظنامو په وجه نن اولس ګران ګاز او د ګرانې برېښنا په كارولو مجبور دے. د وزيراعظم د اطلاعاتو او خپرونو خاص مرستيالې ډاكټر فردوس عاشق ووئيل چې اولس عمران خان خپله مسيحا ګڼلو سره منتخب كړے. اولس ته باور وركوم چې د دوي امېدونه به ضرور پوره كېږي او هېواد به پرمختګ كوي.
