اسلام آباد 18 جون (اے پي پي) په شمالي وزيرستان كښې د كرم تنګي بند جوړولو لپاره د راتلونكي مالي كال پي اېس ډي پي كښې 1200 مليونه روپې بېلې كړې شوي. د اوبو وزارت چارواكو له مخې وفاقي حكومت په هېواد كښې شاړه زمكه د كر جوګه كولو او د زرعي څانګې پرمختګ لپاره په هېواد كښې په لويه پېمانه د بندونو جوړولو پرېكړه كړې ده ۔ حكومت په هېواد كښې د توان كمے پوره كولو لپاره د اوبو څخه د برېښا په پروژو هم كار پېل كړے. دې مقصد لپاره حكومت د راتلونكي مالي كال په بجټ كښې په شمالي وزيرستان كښې د كرم تنګي بند جوړولو لپاره 1200 مليونه روپې بېلې كړي. د دې پروژې د لګښت ټوله اندازه 21059.260 مليونه روپې لګولې شوې
