كوېت سټي 05 اکتوبر (اے پی پی) صدر مملكت ډاكټر عارف علوي د كوېت نوي امير شېخ نواف الاحمد الجابر الصباح سره په كوېت سټي كښې ليدلي۔ د ايوان صدر مېډيا ونګ لخوا د جاري بيان له مخې صدر ډاكټر عارف علوي د پاكستان حكومت او اولس د اړخه د كوېت حكومت او قام سره د خواخوږۍ څرګندونه كولو سره ووئيل ارواښاد امير شېخ الصباح الااحمد الجابر الصباح د پاكستان يو مخلص او باوري ملګرے وو٬ ارواښاد د دواړو هېوادونو او د اولس يو بل ته رانزدې كولو كښې كردار لوبولې۔ ده ووئيل دوه اړخيزه اړيكو سيمه ايز امن او استحكام لپاره د شېخ الصباح هلې ځلې به عمر له ياد ساتلې شي۔صدر مملکت د كوېت د نوي امير ذمه وارۍ سنبهالو لپاره شېخ نواف الاحمد الجابر الصباح لپاره د نېكو هيلو څرګندونه كولو سره د دې باور څرګندونه وكړه چې د شېخ نواف الاحمد الجابر الصباح د پوهې مشرتابه كښې به كوېت د پرمختګ او سوكالۍ په لاره روان شي۔ په دې موقع شېخ نواف الاحمد الجابر الصباح د غمرازۍ په څرګندونه او د كوېت اولس د غم په دې ګهړۍ كښې په شريكېدو د صدر مملکت ډاکټر عارف علوي، وزيراعظم عمران خان او د پاکستان د اولس مننه وكړه۔ په دې موقع دواړو مشرانو په بېلو څانګو كښې د پاك كوېت اړيكو لا زياتولو لپاره د عزم پخلې وكړو
