ملتان ۔11 اکتوبر(اے پی پی) خارجه وزير مخدوم شاه محمود قرېشي وئيلي دي چې مخالفين د هېواد پرمختګ هضم كولے نه شي۔ د ملي پرمختیا سفر به د مخالفینو د خنډونو باوجود دوام ولري. د پاکستان د بې ثباته کولو لپاره سازشونه روان دي. ځینې خلک د دې سازشونو برخه جوړېدو سره هیواد ته زیان رسوي. د هېواد يو والي ته زيان رسوونكي قوتونه به ماتې وخوري۔ ددې خيالاتو څرګندونه ده تېره ورځ د ملتان حلقه اېن اے 156 بېلو يونين كونسلونو كښې د پرمختيائي منصوبو پرانستې او د اولسي رابطې مهم په لړ كښې پلاويو سره ملاقات كښې وكړه۔ ده ووئيل پخوانو حكمرانانو ملكي دولت لوټ كولو سره هېواد نه بهر جائيدادونه جوړ كړل۔ د تحريك انصاف حكومت دوه كاله شوي دي۔ زمونږ د حكومت د كوم هم عهديدار د كرپشن سكېنډل رامخې ته شوے نه دے۔ دا زمونږ د حكومت لويه كاميابي ده۔ وزیراعظم ښكاره وئيلي وو نه به كرپشن كوم او نه به څوك كرپشن كولو ته پرېږدم۔ ده ووئيل كورونا د هېواد معيشت ته زيات زيان رسولے دے۔ ده ووئيل حكومت يو ارخ ته د كورونا مقابله وكړه او بل اړخ ته ئې اولس ته ريليف وركړو۔ ده ووئيل د وزيراعظم د سمارټ لاك ډاؤن پالسېۍ نړۍ ستائلې ده۔ د بې وزلۍ ختمولو له احساس پروګرام زمونږ د حكومت سپېځلې پروګرام دے چې له مخې ئې د هېواد د لكھونو په شمېر كورنو سره د كورونا په مهال مالي مرسته وكړې شوه۔ ده ووئيل سره د كورونا هېواد كښې د پرمختګ سفر روان دے۔ او ددې ښكاره مثال د ملتان د قومي اسمبلۍ حلقه 156 ده چرته چې د كروړنو روپو په پرمختيائي كارونو كار روان دے۔
