آستانه – 21 – مئي (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار آستانه ۾ شنگهائي تعاون تنظيم (ايس سي او) جي پرڏيهي وزيرن واري ڪائونسل جي اجلاس جي پڄاڻي کانپوءِ ورڪنگ دوري تي ڪرغزستان جي شهر بشڪيڪ روانو ٿي ويو. پرڏيهي آفيس موجب بشڪيڪ ۾ نائب وزيراعظم پاڪستاني شهرين سان ملاقات ڪندو جن ۾ پاڪستاني شاگرد به شامل آهن جيڪي ڪرغزستان ۾ تازي اڳڀرائي جي نتيجي ۾ زخمي ٿيڻ جي ڪري علاج هيٺ آهن. نائب وزيراعظم ڪرغزستان جي پرڏيهي وزير سان پاڪستاني شاگردن جي خدشن بشمول پاڪستان ۾ عارضي قيام دوران انهن جي تعليم جاري رکڻ بابت مسئلن تي ڳالهه ڪندو.
