اسلام آباد 30 نومبر (اے پي پي) خارجه وزير شاه محمود قريشي سره د مالېزيا د وزيراعظم خاص استازي او نائب خارجه وزير داتو ويرا حاجي مرزوقي يحيٰی ملاقات وكړو. د ملاقات په مهال په دوه اړخيزه اړيكو او په كوالالمپور كښې د مشرانو په راتلونكې غونډه خبرې وشوې. د خارجه دفتر لخوا جاري شوي بيان له مخې د ملاقات په مهال خارجه وزير شاه محمود قريشي د مالېزيا خارجه وزير ته پېغام ورسو لو چې پاكستان د كوالالمپور د مشرانو د غونډې د مقاصدو ملاتړ كوي او د دې كنفرنس كاميابې لپاره به مالېزيا سره په ګډه كار كوي. د ملاقات په مهال په دوه اړخيزه اړيكو، د منطقې په صورتحال او د شريكې خوښې په چارو خبرې وشوې. خارجه وزير هغه د مقبوضه كشمير د تازه صورتحال نه هم خبر كړو. ده ووئيل چې په مقبوضه كشمير كښې د هندي ظلمونو په ضد مالېزيا چې پ كوم ډول غږ پورته كړې، هغه د ستائنې وړ دے. د كشمير په مسئله د پاكستان د دريځ په ملاتړ كولو د مالېزيا مننه كوو.
