اسلام آباد 16 فروري (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې د وزيراعظم د پخواني ملګري او د پي ټي آئي باني لارښود نعيم الحق ايصال ثواب لپاره به خاص دعا ﴿نن﴾ د ګل په ورځ د فرورې په 17مه نېټه په وزيراعظم هاٶس كښې كېږي. د اتوار په ورځ په خپل ټويټ كښې ډاكټر فردوس عاشق اعوان ووئيل چې وزيراعظم عمران خان، وفاقي وزيران، سلاكاران او د ګوند مشران به په دعا كښې ګډون كوي. په دې موقع به د ارواښاد نعيم الحق د كورنۍ كسان هم موجود وي.
