اسلام آباد ۔ 24 فروری (اے پی پی) د وړې او منځومانې درجې كاروباري ادارې (اېم اېس اېم ایز) څانګه د معاشي پرمختګ بنيادي ستن ده۔ د ډی اېف آئی ډی او بل اینډ ملېنډا ګېټس فاؤنډېشن د ګډې ريسرچ راپور له مخې پاكستان كښې د مائیکرو انټر پرائیزز صارفينو شمېره 140 ملینه ده او د هېواد آبادي په 216 ملين وګړو مشتمل ده۔ دغسې د هېواد 64 فیصده آبادی مائیکرو انټر پرائیزز څخه نېغ په نېغه استفاده كوي۔ د اېم اېس اېم ایز حوالې سره راپور كښې وئيلي شوي دي چې پاكستان كښې نزدې د 90 فيصده كاروبارونو تعلق اېم اېس ايو څانګې سره دې كومه چې د هېواد د مجموعي افرادي آبادۍ 80 فيصده برخې ته د روزګار وركولو سبب هم ده۔ د راپور له مخې مائیکرو، سمال اېنډ میډیم انټر پرائزز (اېم اېس اېم ایز) ته د مائیکرو فنانس په وخت رسنې سره به د څانګې د مالي مسئلو ختمولو كښې مرسته ترلاسه شي چې ورسره به نه يوازې هېواد كښې كاروباري ٬ تجارتي او صنعتي سرګرمۍ زياتې شي بلكې د قومي معيشت د تل پاتې پرمختګ هدفونو ترلاسه كولو كښې به مرسته هم ترلاسه شي۔
