اسلام آباد ۔ 30 مارچ (اے پی پی) د كابينې اقتصادي رابطه كمېټۍ د كورونا وباﺀ مخنيوي په لړ كښې اولس او بېلو څانګو له د اقتصادي ريليف پېكېج منظوري وركړه۔ د پېكېج له مخې يو كروړ 20 لكه كورنيو ته كفالت پروګرام او د صنعتي څانګې د ورځې مزدورانو ته به 300 اربه روپۍ وركولې شي۔ د دالونو په درآمد 2 فیصده اېډوانس ټېکس ختم كړې شو او یوټیلټی سټورز کارپوریشن ته د برانډ نامې نه غېر چائې ، مصالحه جات، اوچ پۍ او مالګه وركوؤنكوكسانو او كمپنيو ته به اوس د 4.5 په ځائې 1.5 فيصد ود هولډنګ ټېكس وركول وي۔ په سویابین آئل، کېنولا آئل، پام آئل، سن فلاورآئل او ددې په تخمونو 2 فيصد اضافي كسټم ډيوټي ختم كړې شوه۔ اقتصادی رابطه کمېټۍ د 1200 ارب روپو ماليت په اقتصادي مرسته د مشتمل پېكج منظوري وركړه۔ غونډه كښې دآئين آرټيكل 84 تر سېوري لاندې د كورونا وائرس اثرات كمولو له د بېړني ريليف فنډز جوړولو له د 100 اربه روپو ضمني ګرانټ منظوري وركړې شوه۔ د ای سی سی خاص غونډه د ګل په ورځ د وزيراعظم د خزانې صلاكار ډاكټر عبد الحفيظ شېخ په مشرۍ كښې وشوه۔ غونډه كښې د صنعت او پېداوار وزارت لخوا بشپړ بريفنګ څخه وروستو اي سي سي د صنعتي څانګې د ورځې مزدورانو مالي مرستې له د 200 ارب روپو مرستې منظوري وركړه۔ غونډې ته ووئيلې شؤ چې په دې كېټګري كښې د 30 لكه مزدورانو اندازه ده كومو ته به چی د 17500 روپو د مياشتې شرح سره وركول وي۔ په دې مد كښې د مياشتې د خرڅونو اندازه 52.5 ارب روپۍ ده۔ اقتصادي رابطه كمېټۍ د ټولنې كمزورې او لږ آمدن لرونكو طبقو ته د خوراك څښاك څيزونه په رعايتي نرخ وركولو له يوټېلېټي سټورز كارپورېشن له د 50 اربه روپو او د تجارت وزارت له د 30 اربه روپو تكنيكي ضمني ګرانټ منظوري هم وركړه
