اسلام آباد 16 اپریل (اے پی پی) د وزیراعظم د خزانې صلاحكار ډاكټرعبدالحفیظ شیخ هيواد كښې د كورونا وباء له امله په روان صورتحال كښې ریټیل څانګې له ریلیف وركولو په لړ كښې سفارشات او تجاویز له حتمی شكل وركولو لپاره د خزانې وزارت او فیډرل بورډ آف ریونیو(ایف بی آر) په سینئراهلكارو مشتمل 5 كسيزه كمیټی جوړه كړې ۔ كمیټی به ریټیل څانګې نمائندګانو سره د مشاورت د لارې دوي له ریلیف وركولو لپاره تجاویز او سفارشات ته حتمی شكل وركوي۔ د خزانې صلاحكار د دې خبرې اعلان د زيارت په ورځ د خزانې وزارت كښې ریټیل ایسوسی ایشن آف پاكستان عهدیدارو سره ویډیو كنفرنس په مهال وكړو۔ كنفرنس كشې د ریټیل سیكټر په مسئلو او د هغې ممكنه حل په اړه په تفصیل سره جاج واخستې شو۔ د ایسوسی ایشن نمائندګانو ووئيل ریټیل څانګه د هيواد مجموعی قامی پیداوار كښې 18 فیصده برخه لري دغسې دا څانګه د هيواد افرادی قوت 16 فیصده له روزګار هم وركوي۔ ده ووئيل حكومت ریټیل څانګې له ریلیف وركولو كښې خوښې لري۔د خزانې وزارت او فیډرل بورډ آف ریونیو سینئر اهلكارو 5 كسيزه كمیټی به په دې لړ كښې د ایسوسی ایشن د تجاویز او سفارشات جاج اخلي او په راروانه غونډه كښې به تجاویز او سفارشات ته حتمی شكل وركولې شي
