اسلام آباد ۔ 29 مئي (اے پي پي) پرمختګ كوٶنكو هېوادونو كښې د سېلګرۍ څانګې د هلو ځلو بحالۍ لپاره د هڅو په لړ كښې د شنګهائي مرستې تنظيم د غړو هېوادونو د ويډيو لنك د لارې په مهمه غونډه كښې د نېشنل ټورازم کوآرډينيشن بورډ چيئرمېن سيد ذوالفقار بخاري ګډون كړے۔ په غونډه كښې پاکستان، هند، چين، روسيه، قزاخستان، کرغزستان، تاجکستان، ازبکستان وزيرانو ګډون وكړو۔ په غونډه كښې په نړيواله كچه د سېلګرۍ هلو ځلو بحالۍ په اېكشن پلان خبرې او د نړيوالې وبا په سوب غړو هېوادونو كښې د سېلګرۍ صنعت ته د پېښو چېلنجونو هم جاج واخستلې شو۔ غونډې ته خپله وېنا كښې د نېشنل ټورازم کوآرډينيشن بورډ چيئرمېن سيد ذوالفقار بخاري ووئيل پاکستان كښې د سېلګرۍ څانګې ودې ته وزيراعظم پاملرنه كوي، تل پاتې او ماحول دوسته سېلګرۍ ته وده وركولو لپاره د لسو كالو پاليسۍ ته حتمي شكل وركړے شوے ۔ ده ووئيل په پاليسۍ عمل درآمد لپاره د پنځو كالو اېكشن پلان هم مرتب كړے شوے، د وبائې صورتحال په سوب په پاليسۍ عملدرآمد كښې تاخير شوے ۔ سيد ذلفي بخاري ووئيل د شنفھائي تنظيم غړي هېودانه د نړيوالې آبادۍ 44 فيصده دي، غړي هېوادونه د سېلګرۍ د صنعت بحالۍ كښې مهم كردار لوبولې شي۔ په غونده كښې د غړو هېوادونو ترمېنځه د رابطه كمېټۍ جورولو تجويز هم وراندې كړے شو او دغسې غړو هېوادونو د ټورازم کوآپريشن پروګرام 21-2020 لپاره د مشتركه اېكشن پلان هم منظوري وركړه۔
