پېنډۍ23 جون (اے پي پي) د پوځ سرلښكر جنرال قمر جاوېد باجوه وئيلي دي چې پاك بحريې تل د سمندري پولو حفاظت په بشپړه ډول كړې٬ كله هم چې دښمن سره مخامخ شوي نو پاك بحريې تل د اولس له هيلو له مخې كردار لوبولې او دښمن ته ئې په مړانه ځواب وركړې۔ د آئي اېس پي آر له مخې جنرال قمر جاوېد باجوه دا خبرې تېره ورځ لاهور كښې د نېول وار كالج دورې په مهال وكړې۔ په دې موقع د پاكستان نېوي وار كالج كمانډنټ ريئر اېډمرل محمد زبېر شفيق د ګران مېلمه تود هركلې وكړو۔ په دې موقع د لاهور كور كمانډر لېفټېننټ جنرال ماجد احسان هم موجود وو۔ په دې موقع د نېول سټاف 49م كورس ګډون كوٶنكو ته خپلې وېنا كښې سر لښكر ووئيل پاك بحريې تل د سمندري پولو حفاظت په بشپړه ډول كړې٬ كله هم چې دښمن سره مخامخ شوي نو پاك بحريې تل د اولس له هيلو له مخې كردار لوبولې۔ سرلښكر په دې موقع د منطقې په امنيت٬ چېلنجز او پاكستان لپاره په موقعو رڼا واچوله۔ سرلښكر د پاك سمندري ځواك د مړانې او د قربانيو نه ډك د وياړ وړ تاريخ ستائنه كولو سره ووئيل نېول وار كالج د پاكستان نېول بهترين اداره ده، دلته د وسله والو ځواكونو او د ملګرو هېوادونو د چارواكو هم تربيه كېږي
