ملتان 07 فروري (اے پي پي)خارجه وزير شاه محمود قرېشي وئېلي چې مونږ د اوپن بېلټ هڅې كوو٬د سېنېټ په ټاكنو كښې ټول قام ته د پوهېدو ضرورت دې چې مونږ اوپن بېلټ ولې كوو٬ټول پاكستان ته معلومه ده چې د سېنېټ په ټاكنو كښې اخستل كېږي٬په ملتان كښې مېډيا سره په خبرو كښې ده ووئيل چې د سېنېټ په تېرو ټاكنو كښې هم د غړو اخستل كېدو منډئۍ لګېدلې وې٬د تحريك انصاف دريځ دې چې د ضمير د خريدارو منډئۍ بايد بند شي۔ده ووئيل چې عمران خان په تېرو ټاكنو كښې هم د دې څيز نوټس اخستې وو٬څوك چې د كومې پارټۍ په نشان ټاكل كېدو سره راغلې دي هغې پارټۍ دې ووټ وركړي٬دا يوازې د تحريك انصاف دريځ نه دې بلكې په چارټر آف ډيموكريسي كښې هم ليكل شوي دي۔كله چې ټولو ګوندونو د اوپن بېلټ وئېلي دي نو بيا د دې په شا كېږي ولې۔ده ووئيل چې پيپلز ګوند او (ن)ليګ منډۍ لګول غواړي خلك اخستل غواړي
