اسلام آباد 25 جولائي (اے پي پي) د منصوبه بندۍ او پرمختګ وفاقي وزير اسد عمر وئيلي دي چې د آزاد جمو و کشمير اولس بدلون غواړي٬ آزاد او سپېځلې انتخابات به د تحريك انصاف د بريا زېرې راوړي، آزاد جمو و کشمير كښې تاريخي ټاكنې كېدونكې دي او پاكستان تحريك انصاف به په ټاكنو كښې كاميابي ترلاسه كوي۔ د دې خيالاتو څرګندونه ده د اتوار په ورځ نجي ټي وي چېنل سره په خبرو كښې كړې ۔ ده ووئيل پاکستان تحريک انصاف به د آزاد جمو و کشمير انتخاباتو كښې كاميابي ترلاسه كولو نه پس د هېواد لوے سياسي ګوند په توګه رامخې ته شي، وزيراعظم عمران خان د کشميريانو خوښ ليډر دے او په عمران خان او پاكستان تحريك انصاف باور كوي۔ ده ووئيل بدعنواني هرې مهذب ټولنې لپاره لوے خطر دے او كشمريان پوهه دي چې وزيراعظم عمران خان د بدعنوانۍ په ضد جنګېږي۔ اسد عمر ووئيل آزادانه او سپېځلې انتخابات به د تحريك انصاف د بريا سبب جوړ شي ځكه چې كشميريان بدلون غواړي او د اولس بشپړه مرستې سره به په منطقه كښې بدلون راځي۔ ده ووئيل مخالفو ګوندونو خپل كرپشن پټولو لپاره اتحاد كړې ٶ٬ په ماضي كښې به هم دوي دغسې كول، اپوزيشن د انتخاباتو نه وړاندې د ټګۍ بې بنسټه تورونه لګولې پېل كړې و
