لاهور 16 جولائي (اے پي پي) د اطلاعاتو وفاقي وزير عطاءالله تارړ وئيلي د كربلا پېښه تر قيامت ورځ د حق او باطل ترمينځه د فرق پيمانه ده، د امام حسينؓ او د ټولو رفقاء حوصله، صبر او استقلال او تدبر زمونږ لپاره د لارې مشعل دے۔د دې خيالاتو څرګندونه وفاقي وزير عطاءالله تارړ امام بارګاه كاشان عباس دورې په مهال وكړه۔ وفاقي وزير د مجلس او د جلوس د روټ څارنه وكړه دغسې د مجالس په مهال د امنيتي انتظاماتو جاج ئې هم واخست ٬ وفاقي وزير د منتظمينو ، عزادارو سره ملاقات هم وكړو۔په دې موقع وفاقي وزير ته د امام بارګاه كاشان عباس منتظم سيد خرم عباس نقوي د امنيتي انتظاماتو په اړه بريفنګ وركړو۔عطاءالله تارړ ټول انتظامات وستائل او په هغې ئې د اطمينان څرګندونه وكړه۔وفاقي وزير عطاءالله تارړ ووئيل امن لپاره د ټولو مكاتب فكر سره رابطه كښې يو ،د محرم الحرام په مهال امن لپاره پوليس او انتظاميه چمتو ده ، مجالس او د جلوس ګډون كونكو حفاطت لپاره كوټلې امنيتي اقدامات شوې دي۔ده ووئيل د كربلا پېښې څخه مونږ ته درس ترلاسه كېږي چې د عظيم مقصدونو په خاطر لوئ قربانۍ وركړې كېږي،د كربلا پېښه تر قيامت ورځ د حق او باطل ترمينځه د فرق پيمانه ده۔ وفاقي وزير ووئيل د امام حسينؓ او د ټولو رفقاء حوصله، صبر او استقلال او تدبر زمونږ لپاره د لارې مشعل دے، حضرت امام حسينؓ مونږ ته ښوډلې چې حق سره ودريدونكې سر ماتيدې شي خو چا ته سر نه شي ټيټولې۔نن هغه د ايثار او قربانۍ جذبے ته وده وركولو ته وړاندې څخه زياته اړتيا ده۔
