اسلام آباد ۔ 14 جولائی (اے پی پی) پاکستان د آذربائيجان په توزو ضلع د آرمينائي پوځ د بريد په سختو ټكو غندلې كړې ده ۔د بريد په نتيجه كښې يو شمېر آذری وګړي وژلے شوي دي۔ د نهې په ورځ د خارجه دفتر وياندې د جولائي په 12 مه نېټه د آذربائیجان په توزو ضلع د آرمينيائي پوځ د بريد په سختو ټكو غندنه كولو سره پېښه كښې د وژلے شوو كسانو غمجنيو كورنيو سره د زړه د كومي نه غمرازي ښكاره كړې ده۔ وياندې ووئيل د ناګورنو – كاراباخ د هواري وړ ستونزه امن او سلامتيا لپاره لوېه خطره ده۔ د آرمينيا لخوا اوسنۍ كارروائي د ملګرو ملتونو د ناګورنو۔کاراباخ شخړې په حقله د روانو خبرو اترو عمل مخ نيوي له او شخرې څخه د نړيوالې ورورولۍ پام بل پلو د ګرځولو هڅه ده۔ وياندې ووئيل پاکستان د ناګورنو۔ کاراباخ شخړې په اړه په خپل اصولي دريځ ولاړ دے او د جمهوريه آذربائیجان خپلواكۍ او سيمه ايزې سلامتيا له د خپل ملاتړ پخلے كوي
