اسلام آباد 19 اګست (اے پی پی) د قامي اسمبلۍ سپيكر اسد قيصر او ډپټي سپيكر قاسم خان سوري د نېشنل پرېس كلب نوو ټاكلو مشرانو له مباركي وركړې ده ۔د شورو په ورځ د مباركۍ په خپلو خپلو پیغامونو كښې دوي د نېشنل پرېس كلب نوو ټاكلو صدر شكيل انجم٬سينئر نائب صدر ارشد وحيد چوهدري٬سېكرټري جنرل انور رضا٬سينئر جوائنټ سېكرټري اختشام الحق٬فنانس سېكرټري٬صغير چوهدري او نورو مشرانو له مباركي وركولو سره ووئيل د نېشنل پرېس كلب په ټاكنو كښې د دوي كاميابي د خبريالانو لخوا په دوي د باور څرګندونه ده۔دوي په هېواد كښې د جمهوري اقدارو ودې٬د جمهوريت استحكام٬د رائے اظهار آزادۍ ٬ د خبريالانو د حقونو تحفظ او د دوي ستونزې حل كولو لپاره د پرېس كلب كردار وستائېلو۔دوي ووئيل په هېواد كښې د جمهوريت استحكام لپاره د خبريالانو كردار ډېر مهم دے۔اوسنې حكومت د رائے د اظهار په آزادۍ باور لري او د خبريالانو ستونزې حل كولو لپاره اقدامات كوي۔دوي هيله څرګنده كړه چې نوې ټاكلې كابينه به په بشپړه توكه خپل كردار ترسره كړي۔دوي ووئيل د نېشنل پرېس كلب د نوې ټاكلې كابينې كاميابۍ لپاره دعا كوو
