فېصل آباد 06 ستمبر (اے پي پي) د قومي اسمبلۍ ډپټي سپيكر قاسم خان سوري وئيلي دي چې د ستمبر 6مه نېټه زمونږ د قامي او عسكري تاريخ مهمه او يادګار ورځ ده٬دا مونږ ته د هغه ورځې ياد راكوي كله چې د پاكستان بهادر پوځ او ټول قام يو موټې كېدو سره د هندي جارحيت په ضد د خپلې آزادۍ او قامي وقار دفاع كړی وه. ده دا خبرې په فېصل آباد كښې د پاكستان د دفاع ورځې په لړ كښې استحكام پاكستان كنفرنس ته د خاص مېلمه په توګه د وېنا كولو په مهال وكړې. ده ووئيل چې د كال 1965م په جنګ كښې د پاكستان وسله والو ځواكونو او قوم يو موټې كېدو سره د ځان نه لس چنده زيات عددي قوت لرونكې دښمن ته ماتې وركړې. ده ووئيل چې د ستمبر شپږمه نېټه مونږ ته د خپلو شهيدانو ياد راكوي. مونږ په دې ورځ د دې لوظ پخلې كوو چې د هېواد دفاع لپاره به د كوم ډول قربانې څخه ډډه نه كوو
