اسلام آباد 06 اکتوبر (اے پی پی)د كشمير او ګلګت بلتستان چارو وفاقي وزير علي امين ګنډا پور وئېلي دي د حكومت په هلو ځلو د كشمير مسئله په نړيواله كچه پورته كړې شوې او په دې مسئله د پاكستان او كشميريانو موقف ته ډاډګيرنه ترلاسه شوې۔د دې خيالاتو څرګندونه ده د اي يو۔ پاك فرينډ شپ فېډرېشن اروپاﺀ چيئرمېن چوهدري پروېز اقبال لوسر سره د ملاقات په مهال كړې چا چې د نهې په ورځ ده سره ملاقات كولو۔د ملاقات په مهال د كشمير په مسئله او بهر هېوادونو كښې د پاكستانيانو په كردار تفصيلي خبرې شوي۔وفاقي وزير د كشمير په مسئله بهر هېواد كښې د مېشته پاكستانيانو كردار ته پېرزوئنې وړاندې كولو سره وئېلي دي په نړيواله كچه د كشمير په مسئله د پاكستان او كشميريانو موقف رامخې ته كولو كښې بهر هېوادونو كښې د پاكستانيانو كردار مهم دے۔ده ووئيل د اروپائي پارليمان د اړخه د كشمير په مسئله پرله پسې غږ پورته كول د اطمينان وړ دي۔ده ووئيل نه يوازې اروپاﺀ بلكې برتانيه او امريكا كښې هم پاكستانيان او كشميريان د كشمير په مسئله د پاكستان موقف په ښه ډول پورته كوي۔وفاقي وزير ووئيل تېر كال وزيراعظم عمران خان د ملګرو ملتونو جنرل اسمبلۍ ته د خطاب په موقع د كشمير مسئله په ښه ډول پورته كړې۔ده ووئيل بهر هېوادونو كښې مېشته پاكستاني كميونټي نه يوازې د كشمير په مسئله مهم كردار ترسره كوي بلكې د هند فاشسټ ايجنډا په ډاګه كولو كښې هم كردار لري۔په دې موقع د اي يو پاك فرينډ شپ فېډرېشن چيئرمېن د كشمير په مسئله د خپلې ادارې د اړخه هڅو څخه وفاقي وزير خبر كړو۔چوهدري پروېز اقبال وفاقي وزير له د كشمير مسئله په اروپاﺀ كښې رامخې ته كولو او په دې لړ كښې د پاكستاني كميونټۍ ډاډګيرنې لپاره د اروپاﺀ دورې بلنه هم وركړه۔ دغسې وفاقي وزير چوهدري پروېز اقبال لوسر له د خذماتو په اعتراف يو يادګاري شيلډ هم وركړو
