اسلام آباد۔29جنوری(اے پی پی)وزیراعظم دے مشیر احتساب و داخلہ شہزاد اکبر آکھیا جو رضاکارانہ طور تے رقم دی واپسی سپریم کورٹ دے حکم تے ختم کر ݙتی اے، پلی بارگین عدالت دی منظوری نال ہی تھی سڳدی اے ۔ جمعہ کوں ایوان بالا دے اجلاس اچ سینیٹر ذیشان خانزادہ، جاوید عباسی اتے عثمان خان کاکڑ دے سوالات دے ولدے اچ مشیراحتساب و داخلہ شہزاد اکبر آکھیا جو کہیں وی عدالت اچ سماعت اچ ݙتے ڳئے ریمارکس عدالتی حکم نئیں ہوندے بھل رقم دی رضاکارانہ طور تے واپسی سپریم کورٹ دے حکم تے ختم کر ݙتی گئی اے۔ پلی بارگین اچ اے آکھݨ درست نئیں جو کہیں کوں اغواء کر تے معاہدہ کیتا ویندے ۔ انہاں آکھیے جو پلی بارگین ہک تاں سزا اے اتے ݙوڄھا عدالت دے سامݨے عدالت دی منظوری نال پلی بارگین تھی سڳدی اے ۔
