ډېووس 23 جنوري (اے پي پي) وزير اعظم عمران خان وئيلي دي يونيم كال زياتو ستونزو سره مخ وٶ٬ پرمختګ لپاره كشتۍ سوځول وي٬ زمونږ حكومت لپاره لوے چېلنج د ماضي د حكومتونو لخوا اخستې شوې قرض او ګرځېنده قرض وركول وو ٬ د حکومتي اقداماتو په سوب معيشت مخ په ښه كېدو دے٬ سټاک مارکيټ كښې بهتري رراروانه ده٬ غېر ملكي سرمايه كاري زياته شوې ٬ مونږ په سم لوري روان يو په پاكستان ښه وخت راتلونكې دےد پاکستان بلها وسائل او صلاحيتونه لري٬ د پاكستان ځوانان زيات صلاحيتونه لري خو دوي ته موقعې نه دې وركړې شوې٬ په وړومبي كال كښې مو 40 كهربه محصولات جمع كړي٬ چې پكښې 20 كهربه په قرض وركړې شوي ۔ د دې خيالاتو څرګندونه ده د زيارت په ورځ پاكستان برېك فاسټ ميټ كښې مهمو كاروباري شخصياتو سره خپلو خبرو كښې وكړه۔ د دستورې مقصد كاروباريان پاكستان كښې د سرمايه كارۍ ماحول نه خبرول وو٬ د ګردې نړۍ مهم كاروباري شخصيات په نړيوال اقتصادي فورم كښې ګډون كوي۔ وزيراعظم عمران خان ووئيل ډيووس كښې استوګنه ګرانه ده ٬ ما د حكومت پېسه خرڅ كول نه غوښتل۔ده ووئېل په ډيووس كښې زما د پاتې كېدو خرڅونه اكرام سهګل او محمد عمران برداشت كړې۔ ډېووس ته په راتلونكو وزيراعظمانو كښې به زما خرڅ تر ټولو كم وي۔ وزيراعظم عمران خان پخپلو هلو ځلو رڼا اچولو سره ګډون كوٶنكو ته ووئيل كله چې ما كركټ پېل كړو نو په وړٶمبني ټېسټ مېچ كښې زه ډراپ كړې شوم٬ د انسان اصل كاميابي په سخت وخت كښې هيله مند پاتې كيدل وي۔ده ووئېل زياتره خلق په سختو حالاتو كښې همت بېلي٬ په ژوند كښې مخ په وړاندې تګ لپاره تاسو له په سختو حالاتو كښې د بري لار لټول پكار دي۔ ده ووئيل په ټولنه كښې بې وسه خلق د مخ په وړاندې تګ زيات صلاحيت لري٬ ما د هېواد په لرې پرته سيمه كښې پوهنتون جوړ كړې او د ميانوالي د نمل پوهنتون زده كوٶنكو ته د برېډ فورډ پوهتنون څخه ډګري وركړې كېږي۔ ده ووئېل په نمل پوهنتون كښې بې وسه زده كوٶنكې زيات صلاحيت لرونكې ليدلې شوي۔ د نمل پوهنتون 75 فيصده زده كوٶنكي اردو ميډيم سكولونو څخه راځي او د دوي يو كال په انګرېزۍ زده كولو لګي۔ ده ووئېل په بريډ فورډ پوهنتون كښې 12 نه تر 13 فيصده زده كوٶنكي فرسټ ډويژن ترلاسه كوي او په نمل پوهنتون كښې د 55 نه تر 60 فيصده زده كوٶكي فرسټ ډويژن اخلي۔ وزيراعظم عمران خان ووئيل زما مور چې كله د كېنسر په رنځ اخته شوه نو معلومه شوه چې په پاكستان كښې د كېنسر روغتون نشته٬ د مور په تكليف ليدلو مې اراده وكړه چې پاكستان كښې به بې وسه رنځوانو لپاره كېنسر روغتون جوړوم۔ده ووئيل په شوکت خانم کېنسر روغتون كښې د 75 فيصده رنځورانو ويړيا درملنه كېږي۔ د شوکت خانم کېنسر روغتون كلن خرڅ لس اربه روپۍ وي۔ وزير اعظم ووئيل درېم چېلنج سره ھغه وخت مخ شوم كله چې ما د پاكستاني اولس حالت بدلولو لپاره سياست شروع كړو او د تحريك انصاف په شكل كښې مې درېم سياسي ګونډ جوړ كړو ٬ ھغه وخت به په ما پورې ټوقې كېدلې او دا به وئيل كېدل چې د دوه ګوندنو په نظام كښې د درېم ګوند ځاې نشته لكه څنګه چې مونږ په برتانيه او امريكې كښې ليدلي دي۔ ده ووئېل لوے هدف سر كولو لپاره كشتۍ سوځول وي۔ ده ووئيل پاكستان د پرمختګ كولو زيات صلاحيت لري۔ وزير اعظم ګډون كوٶنكو ته ووئيل لوي څښتن انسان له زيات صلاحيتونه وركړي او دا ئې اشرف المخلوقات ګرځولې٬ انسان خپل همت او حوصلې سره ناممكن ممكن كولې شي خو زياتره خلق همت او حوصله بېلي او هلې ځلې پرېږدي۔ ده ووئېل كه مونږ خپلې هلې ځلي روانې اوساتو نو كاميابۍ بيا موندې شو٬ لوے هدف سر كولو لپاره كشتۍ سوځول وي۔ ده ووئيل پاكستان د پرمختګ كولو زيات صلاحيت لري٬ د 60 په لسيزه كښې پاكستان د نړۍ يو شمېر هېوادونو لپاره ماډل ٶ٬ ھغه مونږ له هېرول نه دي پكار ٬ علامه اقبال او د پاكستان موسئس قائد اعظم محمد علي جناح پاکستان لپاره د انصاف خوښ ټولنې او د فلاحي رياست خوب ليدلې ٶ٬ قام هيله مند ٶ خو بيا يو داسې دور راغلو چې د اقتدار ميوزيكل چيئر لوبه شورو شوه او د پاكستان جوړولو مقصد نه مو سرغړونه وكړه٬ ده ووئيل د وژن نه غېر يو قام مخ په وړاندې نشي تللې او كه د پاكستانيانو وژن بحال شي نو هېڅوك د دوي مقابله نشي كولې ۔ وزير اعظم ووئيل پاكستان بلها وسائل او صلاحيتونه لري٬ د بلوچستان په ريكوډك سيمه كښې د سرو او پيتلو 14 درنګونه دي ٬ يوازې د دوو درنګونو ګټه د سل اربه ډالرو نه زياته ده۔ ده ووئېل پاکستان كښې د ګاز او سكرو پراخه ذخيري شته ٬ زما وژن پاكستان په حقيقي معنو كښې فلاحي رياست جوړول دي٬ حکومت د صنعتونو ودې لپاره كار كوي٬ سرمايه كارو لپاره هېواد كښې آسانۍ راپېدا كوٶ۔ده ووئېل د بده مرغه د ماضي واكمنو د اولس تعليم او د صحت آسانيو لپاره هېڅ نه دي كړې او چا هم د عام وګړي مسئلو او ستونزو لرې كولو لپاره سوچ نه دې كړې٬ زمونږ حكومت د عام وګړي پرمختګ لپاره هڅې كوي٬ د غربت خاتمې لپاره د محدودو وسائلو باوجود مو جامع احساس پروګرام پېل كړې او دې لپاره مو 190 اربه روپۍ بېلې كړې ۔ ده ووئيل مهاتير محمد ډېر په خوارۍ
