اسلام آباد ۔ 04 جولائي (اے پی پی) د منصوبه بندۍ او اصلاحاتو وفاقي وزير اسد عمر د نېشنل ډيزاسټر مېنجمنټ اتھارټي چيئرمېن لېفټېننټ جنرال محمد افضل سره د آئسولېشن سېنټر او متعدی رنځونو روغتون دوره وكړه۔ په دې مهال وفاقي وزير او د اېن ډي اېم اے چيئرمېن ته روغتون كښې د آسانيو او آپرېشن حوالې سره بشپړه بريفنګ وركړے شو۔ بریفنګ كښې ووئيلې شؤ چې كورونا وباﺀ نظر كښې نيولو سره اسلام آباد كښې آسولېشن سنټر او د متعدي رنځونو روغتون 45 ورځو كښې جوړ كړې شو۔ د چين په مرسته جوړ كړې شوې دې روغتون كښې 250 آئسولېشن بېډز دي او ټول بېډز د هائي فلو آكسيجن آساني لري۔ چین روغتون جوړولو له 4 ملین ډالره حكومت ته وركړې دي۔ وفاقی وزیر اسد عمر او د اېن ډي اېم اے چیئرمېن د روغتون د بېلو يونټس معائنه هم وكړه
