اسلام آباد 11 اګست (اے پی پی) خارجه وزیر مخدوم شاه محمود قریشی د اپوزیشن د ګتورې رویې ستائنه كولو سره وئيلي دي د پارلمان شريكه غونډه كښې نه يواځې حكومتی بلكه اپوزیشن ګوندونو چې د كوم ډول دانائې څركندونه كړې هغه د ستائنې وړ ده۔ د نهې په ورځ خارجه وزير د اېف اے ټی اېف او كشمیر په اړه په 6 اګست رابللې د پارلمان شريكه غونډه كښې د اپوزیشن ګډون او قانون سازۍ كښې په معاونت د مسلم لیګ (ن) صدر او د مخالفې ډلې مشر میا شهباز شریف او د پاكستان پیپلز پارټۍ چیئرمین بلاول بھټو زرداری ته د مننې خطونه ليږلې دي۔ خارجه وزير په خپلو خطونو كښې وئيلي دي د پارلمان شريكه غونډه كښې نه يواځې حكومت بلكه اپوزیشن ګوندونو چې د څه ډول دانائې څرګندونه كړې هغه د ستائنې وړ ده۔ ما د اپوزیشن د مثبت رویې ستائنه آن فلور آف دی هاوَس هم كړې۔ مخدوم شاه محمود قریشی ووئيل پارلمان كښې موجودو حكومتی او اپوزیشن ګوندونو يو ځل بيا ثابته كړې چې د قامی ګټې تحفظ لپاره پارلمان كښې موجود ټول سياسي ګوندونه يو موقف لري ۔ خارجه وزير ووئيل د هند د اړخه مقبوضه كشمیر كښې شوې په 05 اګست 2019ء غیر آئینی او يو اړخيزه اقدامات هم د پارلمان ټولو سياسي ګوندونو د شريك قرارداد د لارې په متفقه توګه مسترد كړې وؤ۔ ده ووئيل مونږ د تير يو كال راهسې د هند په ولقه كښې په غير قانونی مقبوضه جمو او كشمیر كښې د روانو بشري حقونو خلاف ورزۍ د نړۍ په هر فورم پروته كړې۔ د تير يو كال پھ مهال د ملګرو ملتونو سكیورټی كونسل كښې درې ځل په كشمیر بحث شوے ۔ شاه محمود قریشی ووئيل 55 كاله پس د كشمير په مسئله سكیورټی كونسل كښې مباحثه شوې۔د كشمیر پشمول په مهمو قامی چارو مونږ د اپوزیشند ملګرتيا مننه كوو او د اپوزیش د عمل وړ تجاویز له اهمیت وركوو۔ مخدوم شاه محمود قریشی ووئيل د كشمیر پالیسۍ په اړه د سباؤن تګلارې مرتب كولو لپاره د اپوزيشن مثبت تجاویز ته سترګي په لار يو
