اسلام آباد۔22جون (اے پی پی):وزیراعظم محمد شہبازشریف خانہ کعبہ دے کلید بردار ڈاکٹر شیخ صالح الشیبی دے انتقال تے تعزیت اتے افسوس کیتے ۔ وزیر اعظم آفس میڈیا ونگ توں جاری تعزیتی بیان اچ وزیر اعظم آکھیے ڈاکٹر شیخ صالح الشیبی کوں خانہ کعبہ دا کلید بردار ہووݨ دا منفرد اعزاز حاصل رہیا، اُنہاں دی قسمت تے ہر مسلمان ناز کریندے ۔ انہاں آکھیے کلید ِکعبہ متعلق نبی اکرم ﷺ دی وصیت دا تسلسل جاری اے، شیخ صالح الشیبی کوں 109 ویں کلید بردار ہووݨ دا اعزاز حاصل رہیا ۔وزیراعظم محمد شہبازشریف دعا کیتی جو اللہ تعالیٰ مرحوم دے درجات بلند فرماون تے ݙکھی خاندان کوں صبر ݙیون۔
