اسلام آباد 12 اګست (اے پي پي) قومي اسمبلۍ د اقليتونو په اړه د قائداعظم محمد علي جناح د اګست د 11مې نېټې وېنا د نصاب برخه جوړولو قرارداد په يوه خله منظور كړے. د شورو په ورځ د قومي اسمبلۍ غونډه كښې د مسلم ليګ ﴿ن﴾ غړي ډاكټر درشن دا قراداد ايوان ته وړاندے كړو. په دې وېنا كښې قائداعظم محمد علي جناح وئيلي وو په پاكستان كښې اوسېدونكي د ټولو مذهبونو خلق به مساوي حقونه لري او دوي به خپلو مذهبي ځايونو ته په آزادې سره تللے شي. كوم پاكستانے به په بل پاكستانے د رنګ، نسل، ذات، سيمې په وجه كوم فوقيت نه لري. د قومي اسمبلۍ سپيكر دا قرارداد منظورې لپاره ايوان ته وړاندے كړو او دغسې غونډې په يوه خله منظور كړو
