فيصل آباد 05 ستمبر (اے پي پي) د مذهبي چارو وفاقي وزير نورالحق قادري وئېلي دي چې د قرآن پاك بې حرمتي د مسلمانانو په ضد څرګنده ترهه ګري٬د قرآن پاك بې حرمتي مسلمانان په يو صورت كښې هم نه شي زغملې۔وفاقي وزير د خالي په ورځ د فيصل آباد دوره وكړه هغه د مركزي علماﺀ كونسل چيئرمېن صاحبزاده محمود قاسمي استوګنې ته لاړو۔وفاقي وزير په سويډن او ناروے كښې د قرآن پاك د بې حرمتۍ او د سپكاوي د خاكو د اشاعت د پېښو په سختو ټكو كښې غندنه وكړه او وې وئېل چې داسې پېښې د نړۍ د امن تباه كولو يو ناوړه سازش دې ځكه چې د نړۍ څلورمه برخه آبادي د مسلمانانو ده۔ده ووئيل چې د مسلمانانو مقدس او آسماني كتاب قرآن پاك دې او د دې بې حرمتي كول د مسلمانانو په ضد څرګنده ترهه ګري دي كوم چې مسلمانان په يو صورت نه شي زغملې۔ده ووئيل چې مسلمانان د نورو مهذهبونو احترام كوي دغسې بايد نور قومونه هم د مسلمانانو د مقدس كتاب احترام وكړي۔ده ووئيل چې د مذهبي چارو وزارت د ټولو مسلكونو علماﺀ سره په رابطه كښې دې او د دوي مشوره او مرسته به په هېواد كښې د اړي ګړي خپرونكو په ضد كاروائي كېږي خوږ وطن به د مذهبي روادارۍ او امن مركز جوړولې شي
