اسلام آباد 29 ستمبر (اے پي پي) د وفاقي تعليم او وظيفائي چارو وفاقي وزير شفقت محمود وئيلي دي په درېم پړاٶ كښې به د ګرد هېواد ټول پرائمري ښونځي پرانستلې شي٬ په اېس او پيز په سختۍ سره عملدرآمد روان دے،په اېس او پيز عملدرامد نه كوٶنكي تعليمي ادارې به بندولې شي۔ د نهې په ورځ په اېن سي او سي كښې خبري كنفرنس ته خپله وېنا كښې شفقت محمود ووئيل د تعليمي ادارو پرانستلو پرېكړې په اړه ټولې صوبې آن بورډ اخستې شوي۔ ده ووېيل په درېم پړاٶ كښې د پرائمري سکولونه د پرانستلو پرېكړه كښې د شمېرو له مخې شوې ٬ د 15م ستمبر نه پس د سكولونو پرانستلو نه پس د استاذانو٬ د سكولونو عملې او د زده كوٶنكو يو لك 71 زره 436 ټېسټونه شوي چې پكښې 1284 مثبت راغلي ٬ كوم چې 0.89 فيصده دي۔ ده ووئيل والدين له باور وركوم چې په اېس او پيز بشپړ عمل روان دے٬ كوم سكولونه چې په اېس او پيز عمل نه كوي ھغه به بندوٶ۔ وفاقي او صوبائي څانګې په اېس او پيز عملدرامد كولو لپاره كار كوي او په اېس او پيز به نور په سختۍ سره عملدرامد كولې شي۔ ده ووئيل زه په دې موقع مور ٬ پلار او استاذانو ته هم پېرزوئنې وړاندې كوم چا چې په اېس او پيز عملدرامد كولو كښې مهم كردار لوبولر ٬ دا شريكه هڅه وه كومې لپاره چې دوي د مباركۍ مستحق دي۔ ده ووئيل د دوه څيزونو دې خاص خيال وساتلے شي لومړۍ دا چې ماشومان په يو ځائ راغونډ نه كړې شي او دوېم د ماسك اچول دې باوري كړے شي۔ده ووئېل د درېم پړاٶ كاميابولو لپاره مونږ ټولو له په ګډه محنت كول دي۔ په دې موقع قامي صحت لپاره د وزيراعظم خاص مرستيال ډاکټر فېصل سلطان هم موجود ٶ
