اسلام آباد۔11اکتوبر(اے پی پی) د منصوبه بندۍ پرمختګ او اصلاحاتو وفاقي وزير اسد عمر هېواد كښې د كورونا وائرس په زياتېدونكو كېسونو اندېښنه ښكاره كولو سره وئيلي چې حكومت د كورونا وائرس خپرېدو مخنيوي له يو وارې بيا د سمارټ لاك ډاؤن پالېسي عملي كړې ده۔ د اتوار په ورځ يو ټويټ كښې اسد عمر ووئيل چې په تېرو 6 اونيو كښې د مثبت كېسونو اوسط شرح 2 فيصده وو ولې تېره اونۍ دا شرح 2 فيصده نه زياته شوې ده كومه چې د اندېښنې وړ ده۔ ده ووئيل هېواد كښې د كورونا وائرس كېسونو كمولو له اسلام آباد ٬ كراچۍ او آزاد كشمير كښې سمارټ لاك ډاؤن يو وارې بيا نافذ كړے شوے دے۔ ده ووئيل دې سره سره انتظاميه ته ګرد هېواد كښې د حفاظتي ګامونو پورته كولو هدايات جاري كړې شوي دي۔ اسد عمر ووئيل د اولس مرستې سره د كورونا وائرس خپرېدو مخنيوې كېدې شي۔
