اسلام آباد۔24اکتوبر(اے پی پی) وزيراعظم عمران خان وئیلي دي چې پاکستان غیر ملکی تسلط کښې د ژوند كوؤنكو ټولو خلكو د خپلواكۍ ملاتړ كوي۔ نړیواله ورورولي او په خاص توګه سلامتی کونسل دې خپل اخلاقی ، قانونی ، سیاسی او سفارتی اختيار كارولو سره د مقبوضه كشمير په اړه د سلامتي كونسل قراردادونو عملي كولو له خپل رول ولوبوي۔ پاكستان نړيوال امن او سلامتيا په ځائې ساتلو له ګرده نړۍ كښې يو اېن امن مشنز كښې خپل كردار ترسره كړې دې۔ هغه دا خبره د ملګرو ملتونو د 75 مې تاسيس ورځې كليزې په موقعه خپل خصوصي پېغام كښې وكړه۔ هغه ووئيل د نن نه 75 كاله وړاندې مؤسسو غړو هېوادونو په ګډه راتلونكي نسلونه د جنګ وبال نه بچ كولو له په قواعدو اډانه لرونكې نړيوال نظام وضعه كړو۔ وزيراعظم ووئيل پاكستان ته په دې خبره وياړ دے چې هغه به د بشري حقونو او بنيادي آزاديو تحفظ له نړيوال اقدار په ځائې ساتلو سره خپل كردار ترسره كوي۔ هغه ووئيل د ملګرو ملتونو 75 كليزه دا خبره په ګوته كوي چې د كشمير مسئله د ملګرو ملتونو په اېجنډا د پاتې كېدو باوجود د تېرو 70 كلونو نه يوه حل غوښتونكې مسئله ده۔ د جمو کشمیر اولس اوس هم د ملګرو ملتونو هغه لوظونو ته سترګې په لار دي كوم كښې چې دې نړيوالې ادارې دوئي ته د خپلواكۍ حق وركولو له كړي وو۔ دا خبره د اندېښنې وړ ده چې د تېر كال د 5م اګست يو اړخيزه هندي اقداماتو د نيولې شوې وادۍ وضعه لا ناوړه كړې ده۔ مقبوضه جمو وكشمير د تېرو 445 ورځو نه محاصره دے۔ وزيراعظم په نړيواله ورورولۍ او په خاص توګه په سلامتي كونسل زور راوړو چې خپل اخلاقي ٬ قانوني ٬ سياسي او سفارتي اختيار كارولو سره د جمو و كشمير په اړه د سلامتي كونسل قراردادونو عملي كړي۔ وزيراعظم ووئيل د كووېډ وبا په دور كښې ملګري ملتونه يو شمېر چېلنجونو سره مخ ده۔ مونږ الټرا نېشنلسټ ٬ نسل پرست او د اسلامو فوبيا په ډول چپو سره مخ يؤ۔ او تجارتي ستونزې رامخې ته كړې شوي دي۔ وبا ته سياسي رنګ وركولې شي۔ هغه ووئيل پاكستان د نړيوال امن او سلامتيا ٬ اقتصادي او سماجي پرمختګ او تلپاتي پرمختيائي هدفونو او د بشري حقونو ساتنې شريكو هدفونو ترلاسه كولو له د ملګرو ملتونو ملاتړ كوي۔ وزيراعظم ووئيل پاكستان به د نړيوالو شخړو په سوليزه ډول هوارولو له خپل كردار ترسره كوي۔
