اسلام آباد ۔ 5 اګست (اے پی پی) د قانون او انصاف وفاقي وزير بېرسټر فروغ نسيم وئيلي دي د هندي غېر قانوني مقبوضه جموں وكشمير اولس ناوړه پوځي محاصرې او د بشري حقونو سختو خلاف ورزيو سره مخ دي۔ د استحصال ورځې په مهال جاري كړې شوي خپل پېغام كښې ده ووئيل هند د تېر كال اګست 5 مې نېټې نه د كشميريانو بنيادي بشري حقونه معطل كړې دي۔ د آرټیکل 370 او 35 ۔ اے ختمولو نه وروستو هندي پوځ روزانه دوئي د تشدد او ظلم نښه جوړوي۔ ده ووئيل نړۍ بايد ددې حقيقيت ادراك وكړي چې د مودی د آر اېس اېس نظریه نازی ازم نه زياته بدتره ده ولې چې د مسلمانانو نسل كشي ددې نظريې مهم مقصد دے او هند مقبوضه جموں وكشمير كښې په دې نظريه عمل كوي۔ ده ووئيل وخت راغلې دې چې مقبوضه جموں وكشمير كښې د هند غېر قانوني اقدامات په ډاګه كړې شي او دا زمونږ عزم دے چې مونږ به دا په ډاګه كوؤ۔ وفاقي وزير فروغ نسيم ووئيل كشميري ورونړا او خوېندې د آزادۍ ترلاسه كولو هڅو كښې ځانله نه دي بلكې مونږ ټول دوئي سره يؤ۔(
