اسلام آباد ۔ 09اګست (اے پی پی) د وزيراعظم د سياسي ابلاغ خاص مرستيال ډاكتر شهباز ګل وئيلي دي د لاهور مسجد وزيرخان كښې د تېرو څو كلونو نه د ودونو فوټو شوټ نه خبره پېل شوه كومه چې اوس ميوزك وډيوز ته رسېدلې ده۔ د اتوار په ورځ خپل يو ټويټ كښې ده ووئيل جومات د پاك پروردګار كور دے احترام ئې په مونږ فرض دے۔ جومات دے فوټو شوټ له نه بلكې د پاك رب عبادت او سماجي خېر ښېګړې له وكارولے شي۔ ده ووئيل په دې شرمناك حركت دې سخته نه سخته سزا وركړې شي۔ خاص مرستيال په ټويټر اكاؤنټ جومات كښې د ګډا وېډيو هم اپ لوډ كړے ده او د پنجاب ستر سېكتر ته ئې د سخت ګام پورته كولو هدايت كړے دے۔
