اسلام آباد ۔ 30 اګست (اے پی پی) د آزاد جموں وكشمير وزيراعظم راجه فاروق حېدر خان د سندھ اعلی وزير مراد علي شاه ته ټېلېفون وكړو او د خبرو په مهال ئې د بارانونو د لاسه په شوي مالي او ځاني زيان د افسوس څرګندونه وكړه۔ ده ووئيل په دې سخت وخت كښې مونږ د سندھ حكومت او اولس سره ولاړ يؤ۔ ده ووئيل كراچۍ معاشي مركز دے او د غېر معمولي بارانونو دلاسه زيات زيان شوے دے۔ اعلی وزير ووئيل په دې سخت وخت كښې د يو والي په څرګندونه د آزاد كشمير وزيراعظم راجه فاروق حېدر خان مننه كوؤ۔
