اسلام آباد۔5جولائی(اے پی پی) چیئرمین سینیٹ سید یوسف رضا گیلانی آکھیے 1973دے آئین دی تخلیق دا کریڈٹ ذوالفقار علی بھٹو کوں ویندے۔ 1973دےآئین پاروں سینیٹ وجود اچ آیا جیندے اچ سارے صوبیں دی ھکو سویں نمائندگی اے۔ سینیٹ توں لوکاں دیاں ٻہوں توقعات پوریاں تھئن۔سینیٹ دے اجلاس اچ چیئرمین سینیٹ آکھیے 1973 دا آئین جݙاں بݨیا تواں اوں توں پہلے ملک اچ ھک ایوانی نظام ہئی جیں پاروں ٻہوں محرومیاں ہن ۔ 1973 دے آئین دے تحت ݙو ایوانی نظام بݨایا ڳیا جیڑھا ایں ویلھے چلدا پئے ۔ 1973 دےآئین دے تحت سینیٹ وجود اچ آئے جیندے اچ سارے صوبیں دی ھکو سویں نمائندگی اے ۔ انہاں آکھیے جے اے معاملات پہلے حل تھی ویندے تاں مشرقی پاکستان اساں توں انڄ نہ تھیندا ۔ انہاں آکھیے 2008ء اچ سیاسی جماعتاں وچال میثاق جمہوریت تھیا۔ شہید بے نظیر بھٹو اتے میاں نواز شریف تے ٻئی سیاسی قیادت رل تے تہیہ کیتا جو 1973 دے آئین کوں اساں بحال کرݨا اے اینکوں بحال کیتا انہاں آکھیے ساری سیاسی لیڈرشپ کوں خراج تحسین پیش کرینداں انہاں رل تے 1973 دے آئین کوں بحال کیتا تے ایں ویلھے جیڑھی جمہوریت نظر آندی پئی اے اوندی مرہون منت اے۔ 1973 دے آئین دی تخلیق دا کریڈٹ شہید ذوالفقار علی بھٹو کوں ویندے۔
.jpg)
