پېنډۍ 24 جنوري(اے پي پي) د پاك پوځ مشر جنرال قمر جاوېد باجوه د نېشنل راډيو ټېلي كميونيكېشن كارپورېشن هري پور دوره وكړه او په دې موقع ئې د سټېټ آف دي آرټ الېكټرانك وار فيئر لېب او د ګراٶنډ سروېلنس رېډار ټېسټنګ لېبارټريز پرانسته وكړه۔ د آئي اېس پي آر له مخې راډيو ټېلي كميونيكېشن كارپورېشن (اېن آر ټي سي) وسله والو ځواكونو لپاره الېكټرانك وار فېئر آلات جوړوي۔ اېن آر ټي سي د الېکټرانك آلاتو جورولو تر ټولو غوره اداره ده د دې نه علاوه په دې كښې د اعلٰی ډول ګراٶند سروېلنس رېډارهم جوړېږي۔ د پاك پوځ مشر جنرال قمر جاوېد باجوه په دې موقع د اېن آر ټي سي جوړ كړې شوې د نړيوال معيار آلاتو نه خبر كړې شو۔ په دې موقع د پوځ سرلښكر جنرال قمر جاوېد باجوه د اېن آر ټي سي د درې كلنې كاركردګۍ ستائنه وكړه او جدت پسندۍ لپاره ئې د هر ډول ممكن مرستې باور وركړو
