اسلام آباد 01 فروري (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې د وزيراعظم عمران خان په مشرې كښې په مهمه غونډه كښې د سياسي، معاشي او د اولس ريليف لپاره د اقدامات جاج اخستل شوے او وزيراعظم عمران خان وئيلي دي چې مونږ حكومت كولو لپاره نه نظام بدلولو لپاره راغلي يو، د نظام څخه د كرپشن تر مكمل خاتمه به د احتساب عمل روان ساتلې شي، هېڅ خنډ به ونه زغملې شي، د احتساب عمل به منطقي انجام ته رسولې شي، د كشمير مسئله زمونږ وړمبې ترجيح ده. د خالي په ورځ د وزيراعظم عمران خان په مشرې كښې د مهمې غونډې نه پس مېډيا ته په بريفنګ كښې د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان ووئيل چې د وزيراعظم عمران خان په مشرې كښې په مهمه غونډه كښې د سياسي، معاشي او د اولس ريليف لپاره د اقدامات جاج واخستل شو. غونډې ته په خپله وېنا كښې وزيراعظم عمران خان ووئيل چې مونږ حكومت كولو لپاره نه نظام بدلولو لپاره راغلي يو، د نظام څخه د كرپشن تر مكمل خاتمه به د احتساب عمل روان ساتلې شي، هېڅ خنډ به ونه زغملې شي، د احتساب عمل به منطقي انجام ته رسولې شي، د كشمير مسئله زمونږ وړمبې ترجيح ده. د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان ووئيل چې په غونډه كښې پرېكړه شوې چې د فرورې د وړومبې نېټې نه به په ټول هېواد كښې د كشمريانو په ملاتړ كښې دستورې كېږي، حكومت، ګوند، قوم او ټول سياسي ګوندونه به په ګډه په سركاري او نجي كچه د كشمير يووالي ورځ په بشپړه توګه لمانځي، د هند د انتهاخوښې څېره به په ډاګه كولې شي. هغې ووئيل چې وزيراعظم د مېډيا استازو ته وئيلي دي چې دوي دې د كشميړ په اړه قومي بيانيه عام كولو لپاره خپل مهم كردار لا موثر كړي چې دغسې د هند په محاصره كښې د كشميري اولس غږ ورسول شي. هغې ووئيل چې وزيراعظم عمران خان د كشمير مسئله خپل وړومبې ترجيح ګرځولې.
