اسلام آباد 14 مئی (اے پی پی) وزیرِاعظم عمران خان په مشرۍ كښې د قاچاق مخ نيوي او بنیادی ضروري څيزونو بيعې په اړه د اعلیٰ پائې غونډه وشوه چې پكښې د صنعت وزير محمد حماد اظهر، د نیشنل فوډ سكیورټی وزير سیّد فخر امام، د خزانې صلاحكار ډاكټر عبدالحفیظ شیخ، د تجارت صلاحكار عبدالرزاق داوَد، داخله سيكتر، د خزانې سیكرتري ، د فوډ سكیورټی سيكرتري، د اېف بی آر چیئرمین ګډون وكړو۔ څلورو واړو چیف سیكتريز ، هوم سیكتريز او آئی جیز هم د ویډیو لنك د لارې په غونډه كښې ګډون وكړو۔ وزیراعظم آفس میډیا ونګ د اړخه جاري بيان له مخې په غونډه كښې ووئيل شول د قاچاق مخ نيوي په اړه قانون لا موَثره كولو لپاره د حكومت آرډیننس نافذ شوے چې پكښې كرنسی او د ضروری څيزونو قاچاق كښې د ككړو كسانو نيولو لپاره قانون نور هم سخت كړے شوے۔ دې سره سره د پولو 5 كلوميټره حدود كښې او په هوائي ميدانونو د قانون نافذ كوونكو مجاز ادارو له دا اختیار وركړے شوے چې د قاچاق په ضد كاروائې كولې شي ۔ د نوې قانون ترمخه اړوندو قانون نافذ كوونكو ادارو له قاچاق كښې د ككړو كسانو په حفاظتی تحویل كښې د اخستو اختیار هم وركړے شوے۔ دې سره سره ضلعی انتظامیې، كسټم چارواكو ، حساس ادارو او قانون نافذ كوونكو ادارو ترمينځه كوآرډینیشن لا ښه شوے دغسې چې د قاچاق موَثره مخ نيوي باوري كړې شي۔ د اېف بی آر چیئرمین غونډه د قاچاق مخ نيوي آرډیننس نفاذ نه پس تر اوسه د پورته كړو اقداماتو څخه خبر كړه۔ چیف سیكرتريز د اړخه د قاځاق مخ نيوي په اړه تفصیلی بریفنګ وركړے شو۔ وزیرِاعظم غونډې ته خپله وينا كښې ووئيل قاچاق د هيواد معیشت لپاره ناسور دے۔ ده ووئيل قاچاق د هيواد معیشت ته په دوه ډوله زيان رسوي۔ يو دا چې قاچاق په وجه د هيواد فوډ سكیورټی ته خطر پیښېږي او اولس د ضروري څيزونو كمې په سوب ستونزو سره مخ كېږي، دې سره سره د قاچاق په وجه د هيواد صنعت ته هم زيان رسي چې ورسره صنعتی عمل بند شي۔ ده ووئيل د قاچاق په ضد كارروائی كښې دې هيڅ ډول رعایت یا كمپرومائز اونه كړې شي۔ وزیرِاعظم سپارښتنه وكړه چې د ټولو ادارو د اړخه د قاچاق مخ نيوي او د ككړو كسانو په ضد د كارروائی راپور هر 15 ورځې پس وړاندې كوئ دغسې چې په دې اړه په پیشرفت پرله پسې نظر وساتلې شي۔ چیف سیكرتريز وزیراعظم د غنمو پیداوار، لؤ كولو او مجموعی صورتحال څخه خبر كړو۔ په غونډه كښې د ضروري بنیادی څيزونو بيعې جاج واخستلې شو او د هغې په بيعه كښې د كمي كولو په اړه د پورته كړې شوي اقداماتو په اړه چیف سیكرتريز وزیراعظم په تفصیلی توګه بريف كړو۔ بيلو صوبائی حكومتونو د اړخه ذخیره اندوزو او د ناجائز منافع خورو په ضد د شوې كارروائی راپور هم وزیرِاعظم ته وړاندې كړې شو۔ د صنعت وزير محمد حماد اظهر سیمنټ، سټیل، كوكنګ آئل واو د نورو بيعو كمي په اړه په كړو هلو ځلو غونډه بريف كړه ۔ دغسې په ټول هيواد كښې په یوټیلټی سټورز د كنټرول نرخونو او اولس له د ضروري څيزونو وركولو صورتحال په اړه هم تفصیلی بریفنګ ورګړے شو(SFA/ZIA/1804)
