اسلام آباد 30 جون (اے پي پي) اورسيز پاكستانيانو لپاره د وزيراعظم صلاحكار سيد ذوالفقار بخاري د برتانيې په ورځپاڼو كښې د كرونا وائرس خپرېدو په اړه پاكستان سره په تړلے شوو بې بنسټه خبرونو د سخت غبرګون څرګندونه كړې ده۔ اورسيز وزارت له مخې زلفي بخاري په ټيلي ګراف، ډيلي مېل او دي سن كښې خپور شوي خبرونه بې بنسټه او ګمرا كوٶنكي ګرځولي دي۔ ده ووئيل د كرونا وائرس پحقله شرمناك او ناوړه رپورټنګ شوے۔ د برتانيې ورځپاڼې ادعا كړې وه چې په برتانيه كښې د نيمې نه زيات د کرونا کېسسونه د پاکستان نه راغلي چې په سوب ئې برتانيه كښې مېشته د 15 لكه برټش پاکستانيانو ژوند خطر سره مخ شوے۔ د برتانيې ورځپاڼو د تورونو په ځواب كښئ زلفي بخاري د آکسفورډ پوهنتون تازه تحقيقي شمېرې ټويټ كړي۔
