په ګرده نړۍ كښې كشميريانو سره په ګډه 22 بې ګناه او تش لاسي كشميريانو ته د عقيدت پېرزوئنې
اسلام آباد ۔ 13 جولائی (اے پی پی) پاکستان د كشمير شهيدانو ورځې په مهال كشميري اولس سره يووالي لپاره د خپل لوظ پخلي كولو سره يو وارې بيا په ډاګه كړې چې پاکستانے حكومت او اولس به د ملګرو ملتونو سلامتي كونسل قراردادونو له مخې د خپلواكۍ حق ترلاسه كېدو پورې د كشميريانو تر څنګ ولاړ وي۔ د ګل په ورځ د خارجه دفتر وياندې تر مخه حكومت او اولس د كشميريانو شهيدانو 89 مې ورځې په مهال د لائن آف كنټرول دواړو اړخونو ته او په ګرده نړۍ كښې كشميريانو سره په ګډه 22 بې ګناه او تش لاسې كشميريانو ته د عقيدت پېرزوئنې وړاندې كړي كوم چې په كال 1930ﺀ كښې د ډوګره فورس ظلم او د بربريت په ضد حق او انصاف لپاره ولاړ وو۔ د هغوي غېر معمولي همت او قربانۍ كشميريانو له د خپلواكۍ حق ترلاسه كولو غرض د هلو ځلو كولو لار وټاكله كومې چې نن هم روانې دي۔ دې ووئيل د تېر كال 5م اګست د هند غېر قانوني او يو اړخيزه كارروائۍ مقصد د مقبوضه كشمير اولس خپله پېژندګلي ختمول وو۔ دغې كارروائيو د كشمير د آزادۍ او د خپلواكۍ حق ترلاسه كولو تحريك لا قوي كړے ۔ دې ووئېل د آر اېس اېس ۔ بی جے پی حکومت د ”هندوتوا” نظریې تقليد كولو سره يو بل د غندنې وړ ګام پورته كړے او مقبوضه جموں وكشمير كښې ئې د كشمير شهيدانو د ورځې رخصتۍ ختمه كړې ده كومه چې كال 1948ء څخه لمانځلې شوه۔ وياندې ووئيل پاكستان او كشميرے اولس د زړه د كومي نه د كشمير شهيدانو احترام كوي كومو چا چې په لويه قربانۍ وركولو د كشمير مسئله لا قوي كړې۔ دې ووئېل د پخوانو رواياتو په ځائې ساتلو سره د ګل په ورځ مظفرآباد، آزاد جموں و کشمیر كښې شهيدانو ته ګارډ آف آنر وړاندې كړے شوے
