اسلام آباد ۔ 14 اګست (اے پی پی) صدر مملکت ډاكټر عارف علوي د كشميري اولس بشپړه ملاتړ له د خپل لوظ پخلي كولو سره وئيلي د مقبوضه كشمير اولس به ځانله نه پرېږدو۔ د دوئي اخلاقي ٬ سياسي او سفارتي ملاتړ به روان ساتؤ۔ د پاكستان كاميابې سفارتكارۍ په نتيجه كښې د ملګرو ملتنو عمومي سېكتر ٬ د بشري حقونو نړيوالو تنظيمونو ٬ چين تركيه او د سعودي عربستان په شمول نورو ملګرو هېوادونو د كشمير په مسئله د پاكستان د دريځ ملاتړ كړے دے۔ وسله والو ځواكونو او پاكستاني اولس د ترهګرۍ په مړانه مقابله كړې په دې زه دوئي ته د عقيدت پېرزوئنې وړاندې كوم۔ افغانستان كښې امن لپاره امن لوظنامه يو مهم قدم دے۔ پاكستان افغانستان كښې امن غواړي۔ د كرونا وائرېس باوجود د پاكستان معاشي اشاريې په سم لوري روانې دي۔ ددې خيالاتو څرګندونه ده د 74 مې جشن آزادۍ مركزي دستورې ته خپل خطاب كښې وكړه۔ ده ووئيل اولس ته د 74 مې آزادۍ ورځې مباركي وركوم۔ ده ووئيل پاكستان د اوږدو هڅو نه وروستو ترلاسه شوے دے۔ دې نه وروستو د حضرت محمد خاتم النبیين ۖ د سنت ٬ د علامه اقبال او قائد اعظم د خوبونو لمخې ددې د جوړولو هلې ځلې پېل شوې كوم چې اوس هم روانې دي۔ ده ووئيل په پاكستان د هند بريد په ځواب كښې پاكستان د امن پېغام وركړو۔ پاكستاني حكومت٬ قوم او ميډيا هم د امن ځواب وركړو ولې هندي حكومت ٬ قوم او ميډيا جنګ ته هوا وركړه۔ ده ووئيل د پاكستان په شمول ټوله نړۍ كورونا وځپله۔ ټوله نړۍ كښې لاك ډاؤن ولګولے شو ولې د وزيراعظم د قوم فكر كولو سره ووئيل مونږ دومره سخت لاك ډاؤن لګولے نه شؤ چې ورسره اولس لوږې او بې وزلۍ سره مخ شي۔ ده ووئيل وزيراعظم د هېواد او قوم په ګټه كښې سخته لاره خپله كړه په دې زه وزيراعظم ته پېرزوئنې وړاندې كوم۔ صدر ووئيل وباﺀ لا ختمه نه ده۔ د محرم په مهال دې هم د كورونا وباﺀ نه د بچ كېدو تګلاره عملي كړې شي۔ صدر مملكت د كورونا وباﺀ په مهال د حق رسېدليو وګړو وارثانو سره غمرازي كولو سره په فرنټ لائن ډاكټرانو ٬ نرسانو او پېرامېډك سټاف ته دعقيدت پېرزوئنې وړاندې كړې۔ ده ووئيل د كورونا وباﺀ په مهال د حكومت هڅې د حاجت نه زياتې وې۔ د تعليم وزارت په دې مهال د تعليم رسنې په ځائې ساتلو له ګامونه پورته كړل۔ ده ووئيل د موډيز په شمول نورو ادارو د پاكستان د معيشت ستائنه كړې ده۔ د هېواد معيشت په سم لوري روان دے۔ ده ووئيل د اګست 5 مه نېټه كال 2020 ﺀ د استحصال ورځې په توګه ولمانځلې شوه۔ هند كښې اقليتونه په نښه كولې شي۔ تېر كال مو سلامتي كونسل كښې د كشمير مسئله پورته كړه او دا د پاكستان د خارجه پالېسۍ عكاسي كوي۔ ده ووئيل كشميري ورونړا خوېندې به ځانله نه پرېږدو۔ صدر مملكت افغانستان امن خوشبينه ګرځولو سره ووئيل پاكستان افغانستان كښی امن غواړي۔ افغانستان كښی امن د پاكستان په ګټه دے۔ دستوره كښې د سېنېټ چيئرمېن محمد صادق سنجرانی، د قومي اسمبلۍ سپيكر اسد قیصر، صدر ډاكټر عارف علوي ٬ دده كورودانې بېګم ثمينه علوي ٬ د درې واړو وسله والو ځواكونو مشرانو ٬ وفاقي وزيرانو او نور اعلی شخصياتو ګډون وكړو۔ دستوره كښی د حريت مشر لارښود سيد علي شاه ګېلاني ته د هېواد تر ټولو لوئے سول ايوارډ نشان پاكستان وركړے شو۔ صدر مملکت ډاكټر عارف علوي ده ته دا ايوارډ آزادۍ لپاره په ځانګړې هڅو كولو وركړو۔ د کل جماعتی حریت کانفرنس لارښودو سيد علي ګېلاني له دا ايوارډ ترلاسه كړو۔ دې نه وړاندې صدر مملكت ايوان صدر كښې قامي بېرغ هم هسك كړو
