اسلام آباد 22 ستمبر (اے پی پی) د وزيراعظم د احتساب خاص مرستيال بېرسټر شهزاد اكبر وئېلي دي د پي ټي آئي حكومت په خپلواكه ٬ پاكو او منصفانه ټاكنو باور لري او د انتخابي اصلاحاتو ايجنډې لپاره پوخ عزم لري٬بدلون به د پارليمان د لارې راځي٬د منفي سياست د لارې نه ٬ بايد اپوزېشن د پارليمان د انتخابي اصلاحاتو په كمېټۍ كښې فعاله كردار ترسره كړي٬بدعنوانه ټولګي د خپلو كيسونو نه پام ګرځولو لپاره د اے پي سي ډرامه كړې۔د نهې پھ ورځ د نجي ټي وي چينل سره په خبرو كښې ده ووئيل بايد مونږ بهر مېشته پاكستانيانو ته د ووټ وركولو حق وركړو او د دوي د رجسټرېشن عمل پیل كړے شي۔ده ووئيل (ن)ليګ او پيپلز پارټۍ تل بهر مېشته پاكستانيانو لپاره د آن لائن ووټ كاسټ كولو د نظام معرفي كولو مخالفت كړے۔ده ووئيل په هېواد كښې د انتخابي عمل په طريقه كار كښې شفافيت راوستلو او شك لرې كولو لپاره په انتخاباتو كښې د بائيو مېټرك سسټم استعمال ضروري دے۔ده ووئيل حكومت په اتفاق سره د انتخابي اصلاحاتو په اړه په تجويزونو عمل كول غواړي۔د اپوزېشن ګوندونه دې د كال 2018م د ټاكنو په اړه بې بنسټه ټورنه نه لګوي بلكې د درغلۍ ثبوت دې وړاندې كړي۔ده ووئيل اپوزېشن ګوندونه اولس لپاره كومه ايجنډا نه لري۔وزيراعظم به لوټ كوونكو سره كوم رعايت ونه كړي او نه به د احتساب په معامله دوي سره كومه سودا وكړي۔د اپوزېشن ګوندونو په اے پي سي تبصره كولو سره ده ووئيل دا د سزا شوو مجرمانو فورم دے د دې نه علاوه د دې څه اهميت نشته۔بدعنوانه ټولګي د خپلو كيسونو نه پام اړولو لپاره دا ټوله ډرامه كړې
