اسلام آباد 24 ستمبر (اے پي پي) داخله چارو او احتساب لپاره د وزيراعظم صلاحكار بېرسټر شهزاد اكبر په مشرۍ كښې د اسلام آباد بار كونسل وكيلانو مسائلو حل په اړه غونډه داخله وزارت كښې وشوه۔ په غونډه كښې د اسلام آباد هائي كورټ بار اېسوسي اېشن صدر چوهدري حسيب محمد ٬ نائب صدر سهېل اکبر چوهدري٬ د بار كونسل غړو جاوېد سليم شورش، نصير احمد کياني، د پاكستان بار كونسل غړي شعېب شاهين او د ډسټركټ بار كونسل صدر ظفر کھوکھر ګډون وكړو۔ په غونډه كښې د ضلعي عدالتونو ځائ بدلولو٬ د اسلام آباد هائي كورټ ځائ بدلولو او د وكيلانو کمپلېکس جوړولو په اړه د بېلا بېلو چارو جاج واخستلے شو۔ په غونډه كښې اسلام آباد كښې د پروسيکيوشن ډيپارټمنټ د نشتوالي په معامله غور سره په نورو چارو هم خبرې وشوې۔ په دې موقع بېرسټر شهزاد اکبر وکيلانو له باور وركړو چې د ھغوي مسئلې او تكليفونه لرې كولو لپاره به اقدامات كولې شي۔ ده ووئيل د اسلام آباد هائي كورټ چيف جسټس احكاماتو له مخئ به وزيراعظم او وفاقي کابينې ته د وكيلانو مسائل حل كولو وړاندېزونه وركولې شي
