اسلام آباد 07 اکتوبر (اے پي پي) د قامي احتساب بېورو چيئرمېن جسټس جاوېد اقبال په مشرۍ كښې د نېب د مجموعي كاركردګۍ جاج اغستے شوے ٬ غونډې ته ووئيل شول نېب ته تېر كال په راغلو ګېلو 51 زره 591 ګېلو كښې 46 زره 123 ګيلې د قانون له مخئ ترسره كړې شوي ۔ تېر كال نېب د 1464 ګېلو د جانچ پړتال منظوري وركړې چې پكښې د 1362 ګيلو جانچ پړتال د قانون له مخئ شوے دغسې نېب په كال 2019 كښې د 574 انکوائريو منظوري وركړې چې پكښې 658 انکوائرۍ بشپړې شوي او دې سره سره نېب تېر كال د 221 انوسټي ګېشنز منظوري وركړې چې پكښې 217 انوسېټي ګېشنز د قانون له مخې ترسره كړې شوي او هم په كال 2019 كښې نېب 206 رېفرنسز احتساب عدالتونو كښې جمع كړي۔ غونډې ته ووئيل شول د نېب موجوده چيئرمېن جسټس جاوېد اقبال په مشرۍ كښې نېب د بدعنوانه عناصرو څخه 363 اربه روپۍ برآمد كړي او دا مهال په احتساب عدالتونو كښې 1230 د بدعنوانۍ د كېسونو سماعت روان دے چې مجموعي ماليت ئې نزدېَ 943 اربه روپۍ دے ٬ د دې نه علاوه نېب 179 مېګا كرپشن مقدمو كښې 57 رېفرنسز د قانون له مخې ترسره كړي او دا مهال 179 د كرپشن مېګا مقدمو كښې د لس انكوائرۍ او د 15 انوسټي ګېشز د بشپړېدو په پړاٶ كښې دي ٬ دې سره سره په كومو مقدمو كښې چې عدالتونو څخه حكم امتناهي جاري كړې شوې د ھغې زر سماعت لپاره به درخواستونه د احتساب عدالتونو كښې دائر كولې شي۔ په دې موقع د نېب چيئرمېن جسټس جاوېد اقبال ووئيل د كرپشن مېګا مقدمې منطقي انجام ته رسول او بدعنوانه عناصرو څخه لوټ كړې پیسې بېرته اغستل د نېب لومړۍ ترجيح ده۔ جسټس جاوېد اقبال د نېب د مجموعي كاركردګۍ ستائنه كولو سره هر ډي جي ته امر وكړو چې د ټولو شكايتونو جانچ پړتال٬ انکوائرۍ او انوسټي ګېشنز د قانون له مخې خپل انجام ته ورسوئ
