اسلام آباد۔6جون(اے پی پی):پاکستان تے پولینڈ وچال ݙوطرفہ سیاسی مشاورت دا اٹھواں دور اسلام آباد اچ تھیا ۔ دفتر خارجہ دی ترجمان دی طرفوں منڳل کوں جاری بیان موجب ڳالھ مہاڑ اچ پاکستانی وفد دی قیادت ایڈیشنل سیکرٹری خارجہ (یورپ) سفیر محمد سلیم کیتی جݙاں جو پولش وفد دی قیادت پولینڈ دی وزارت خارجہ دے انڈر سیکرٹری ووجچ گیرویل کیتی ۔ پاکستان اچ پولینڈ دے سفیر ماکیج پسارسکی وی مشاروتی اجلاس اچ شرکت کی۔تی فریقین ݙوطرفہ تعلقات دے سارے پہلواں دا جائزہ ڳھدا تے اعلیٰ سطح دے تبادلیں تے ڳالھ مہاڑ کوں ودھاوݨ تےاتفاق کیتے۔ انہاں تجارت، سرمایہ کاری، توانائی دے شعبے، ڈیری اتے زراعت، مالیاتی شعبے، دفاع، نقل مکانی اتے نقل و حرکت، اعلیٰ تعلیم اتے ویزا نظام کوں ہم آہنگ کرݨ دے شعبیں اچ تعاون ودھاوݨ دی آپݨی سانجھی خواہش دا اعادہ کیتے۔ ݙوہیں ملکاں دے میڈیا ہاؤس اتے چیمبرز آف کامرس دے درمیان تعاون دی حوصلہ افزائی تے وی اتفاق کیتا ڳئے ۔ بیان موجب فریقین سانجھی دلچسپی دے علاقائی تے عالمی امور تے ڳالھ مہاڑ کیتی تے اقوام متحدہ سودھے بین الاقوامی فورمز تے تعاون دا جائزہ ڳھدا ۔ انہاں اہم امور تے پاتی ونڄݨ آلی ہم آہنگی اتے کثیر الجہتی فورمز تے تعاون جاری رکھݨ تے اتفاق کیتا۔ مشاورت دا اڳلا دور 2024 اچ وارسا اچ تھیسی ۔
